CCLVII.

1364, December 31. Kamenz.

Das Stift verkauft 23 1/4 Acker Landes auf Baitzener Flur an Peter Zuckemantel.

(I)n nomine domini amen. Nos frater Andreas abbas monasterii Camencz ordinis Cysterciensis Wratislaviensis dyocesis una cum senioribus nostris, videlicet Nycolao priore, Cunrado subpriore, Nycolao cellario, Petro portario, Henrico cantore, Nycolao de Nisa, Johanne infirmario, Petro bursario, Nicolao custode, ad universorum tam presentium quam futurorum devenire volumus notionem, quod nos honorabili viro Petro Czocemantel, rustico in nostra villa Rychenow commoranti, heredibus ac successoribus suis legittimis viginti agrorum iugera cum tribus iugeribus et quartali in greniciis seu gadibus ville nostre Byczan situata et a prima sui locatione villam ad eandem de iure pertinentia, rite et rationabiliter pro viginti marcis et novem marcis cum lotto grossorum Pragensium, Polonici numeri ac pagamenti, vendidimus pagatis et perceptis in usum ac utilitatem nostri monasterii meliorem conversis, ad censum videlicet duum scotorum in duobus anni terminis, scilicet in et super festo beati Michaelis archangeli quolibet, de iugere unum scotum, in et super (festo) beate Walpurgis virginis unum scotum annis singulis et tempore perpetuo nobis ac nostro monasterio solvere ac dare tenebuntur. Damus nichilominus prefato Petro Czocemantel, heredibus ac successoribus suis legittimis plenam libertatem de omnibus aggravationibus seu vexationibus, videlicet petitionibus terre communibus, decimis campestribus, vecturis aliisque angariis, quibuscunque nominibus nunccupentur; volumus plane, ut nullius sculteti vel iudicis ratione predictorum agrorum, videlicet viginti iugerum et trium iugerum cum quartali iudicio pareant, nisi coram nobis vel cui vices nostras subdelegaverimus evocati litteratorie fuerint vel citati. In huius rei certitudinem firmiorem presens scriptum desuper scribi ac dari iussimus nostrorum sigillorum tam abbatie, quam etiam conventus munimine roboratum. Datum Camencz in die beati Silvestri pape, anno domini millesimo trecentesimo sexagesimo quinto.

Or. Perg. Das stark beschädigte Conventsiegel an einem Pergamentstreifen; von dem Abtsiegel ist nur ein Fragment noch vorhanden.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.